Aisland

Ang Republika ng Islandia, Republika ng Lupangyelo o Republika ng Aisland (Aislandiko: Lýðveldið Ísland; internasyunal: Republic of Iceland) ay isang pulong bansa sa kanlurang Karagatang Atlantiko sa pagitan ng Lupanglunti, Noruwega, at ng Kapuluang Britaniko. Isa itong bansa sa Europa, na nasa hilaga ng Karagatang Atlantiko. Nasa silangan ito ng Lupanglunti na 300 kilometro ang layo at 1000 kilometro pakanluran mula sa Noruwega. Mayroong itong 39,769 milya kuwadradong lawak na sakop. Nasa pagitan ang Europeanong bansang ito ng Hilagang Amerika at ng kontinente ng Europa. Bilang paghahambing, magkapareho ang distansiya ng paglalakbay mula New York, Estados Unidos hanggang Lupangyelo at ang distansiya ng pagbibiyahe mula New York patungong Los Angeles, Estados Unidos. Kasinglaki ang Lupangyelo ng Kentucky ng Estados Unidos, at pinaninirahan ng may halos 300,000 kataong naninirahan ang karamihan sa mga dalampasigan.