Anacardiaceae

Ang pamilya Anacardiaceae (tinatawag ding pamilya ng kasoy o kaya pamilya ng sumac) ay isang pamilya ng mga namumulaklak na halaman. Ang bunga nito ay tiatawag drupe na maaaring maglabas ng urushiol, isang pang-irita. Maraming sari ang napapaloob dito, karamihan ay may pang-ekonomikong kahalagahan. Ilan sa mga tanyag na mga halamang bumubuo dito ay ang kasoy (sa saring Anacardium), mangga, poison ivy, sumac, Cotinus, at marula. Ang saring Pistacia (kung saan napapaloob ang pistachio at punong mastic) ay kalimitang napapaloob sa pamilyang ito ngunit nilalagay din ito sa sarili nilang pamilya ng Pistaciaceae.