Araw ng Pasko

Ang Pasko, Kapaskuhan, o Panahon ng Pasko (Ingles: Christmas, na may tuwirang salin na "Misa ni Kristo"; Yule, at Yuletide) ay isang araw ng pangiling sa kalendaryong Kristiyano, na kadalasan ay ipinagdiriwang tuwing Disyembre 25. Sa araw na ito ipinagdiriwang ang araw ng kapanganakan ni Hesus. Ayon sa mga ebanghelyo, si Hesus ay isinilang ni Maria sa Belen(Bethlehem), kung saan siya at ang kaniyang asawang si Jose ay naglakbay upang magparehistro sa Senso ni Quirinius.