Aser

Sa mitolohiyang Ehipsyo, si Osiris (wikang Griyego: Usiris; binabaybay din sa transliterasyon ng wikang Ehipsyo bilang Asar, Aser, Ausar, Ausir, Wesir, Usir, Usire, o Ausare) ay isang diyos ng mga sinaunang Ehipsyo, na kalimitang tinatawag na diyos ng Kabilang Buhay. Siya ang diyos na nagdadala ng buhay, ang hari at hukom ng mga namatay na mga tao , at ng pagbaha ng Ilog ng Nilo. Si Osiris ang diyos na naghuhukom at tagasakdal ng kaukulang hatol sa mga kaluluwa ng mga yumaong tao na naghahanap ng daan sa paraiso sa kabilang buhay.