Belize

Ang Belis (Ingles Belize) ay isang maliit na bansa sa silangang pampang ng Sentrong Amerika, na matatagpuan sa Dagat ng Karibe at napapaligiran ng Mehiko sa hilaga-kanluran at Guwatemala sa kanluran at timog. Isang parliamentong demokrasya at monarkiyang konstitusyunal ang bansa na kinikilala si Reynang Elizabeth II bilang Soberenya.  Honduras ang pinakamalapit na bansa sa silangan, mga 75 km (47 milya) ang layo sa ibayo ng Gulpo ng Honduras. Hinango ang pangalan mula sa Ilog Belize na pinagbatayan din sa pangalan ng Lungsod Belize, ang dating kapital at ang pinakamalaking lungsod. Madalas na tawagin itong Belice sa Kastila. Sa mahagit isang siglo, naging kolonya ng mga Briton, nakilala bilang British Honduras, hanggang 1973 at naging malayang bansa noong 1981. Kasapi ang Belize sa Caribbean Community (CARICOM) at Sistema de Integracion Centro Americana (SICA) at tinituring ang sarili bilang parehong taga-Caribbean at taga-Sentrong Amerika.