Besëlidhja e Re

Besëlidhja e Re - BR , "Dhjata e Re" apo "Testamenti i Ri" ose thjeshtë Ungjilli, (greq.Καινή Διαθήκη), quhet nganjëherë Testamenti grek ose Shkrimet greke, për shkak të shkrimit dhe përkthimit në gjuhën greke, është së bashku me Besëlidhjen e vjetër pjesa e dytë dhe e fundit e Biblës, librit të shenjtë të krishterëve. BR është shkruar nga shkrues të ndryshëm rreth vitit 45 e.r. dhe para vitit 140 e.r. Librat që përbëjnë tani BR janë mbledhur me kalimin e disa shekujve dhe janë kanonizuar nga kisha. Besëlidhja e Re është pak a shumë rrënja e fesë së krishterë, që ka luajtur një rol të madh në formimin e moralit dhe kulturës perëndimore.