Ang Lambak ng Compostela (opisyal na pangalan: Compostela Valley) ay ikatlong pinakabagong lalawigan sa Pilipinas na matatagpuan sa Rehiyon ng Davao sa Mindanao. Nabunturan ang kapital nito at napapaligiran ng Davao del Norte sa kanluran, Agusan del Sur sa hilaga, at Davao Oriental sa silangan. Sa timog-kanluran naroon ang Golpo ng Davao. Dating kasapi ang lalawigan, tinatawag na Comval kapag pinaikli, ng Davao del Norte hanggang naging malayang lalawigan noong 1998.