Elektroni

Elektroni është pjesëz (grimcë) themelore e atomit me ngarkesë elektrike negative q_e = -1,6 × 10^-19 coulomb (ngarkesë elementare) dhe ka një mase rreth 9,10 × 10^-31 kg (0,511 MeV/c²). Elektroni i përket klasës së pjesëzave të quajtura leptone që mendohet të jenë përbërësit themelorë të lëndës (d.m.th. nuk mund të ndahen në pjesëza më të vogla). Së bashku me bërthamën atomike (të krijuar nga protonet dhe neutronet) të rrethuar nga elektronet, elektronet përbëjnë atomet; ato janë përgjegjës për lidhjet kimike. Masa e elektroneve është rreth 1/1836 e neutroneve dhe protoneve.