Ang mga
Hudyong Kristiyano o
Hudeo-Kristiyano o
Hudyong Kristiyanismo ang mga orihinal na kasapi ng kilusang repormang
Hudyo na kalaunang naging
Kristiyanismo. Sa pinakamaagang yugto nito, ang pamayanang Hudyo Kristiyano ay binubuo ng mga
Hudyo na tumanggap kay
Hesus bilang isang kapitapitagang tao o kahit ang
mesiyas. Habang lumalago ang
Kristiyanismo, ang mga Hudyong Kristiyano ay naging isa lamang sekta ng pamayang Kristiyano. Ang Hudyong Kristiyano ay inilalarawan ng paghayag ng mga ito kay Hesus bilang mesiyas at patuloy na pagsunod sa mga kautusang Hudyo at mga kustombreng Hudyo gaya ng pagmamasid ng
Sabbath at mga banal na araw ng Hudaismo.