Indonesya

Ang Republika ng Indonesya (, o ), ay isang bansa sa Timog-silangang Asya. Ito ay binubuo ng 17,508 mga pulo, at ito ang pinakamalaking estado sa buong daigdig na binubuo ng isang kapuluan. Tinatantiya na nasa 237 milyong katao ang populasyon ng Indonesya, na pang-apat sa mga pinakamataong bansa sa mundo, at ang pinakamataong bansang Muslim; subali't walang opisyal na pananampalataya ang itinakda sa Saligang Batas ng Indonesya. Isang republika ang Indonesya, na may inihahalal na tagapagbatas (lehislatura) at pangulo. Ang kabisera ng bansa ay ang Jakarta. Pinapaligiran ang Indonesya ng Papua Bagong Ginea, Silangang Timor at Malasya, at kinabibilangan rin ang Singgapur, Pilipinas, Australya, at ang Kapuluang Andaman at Nicobar ng Indiya bilang mga kalapit na bansa at teritoryo.