Joseph Estrada

Si Jose Marcelo Ejercito (ipinanganak Abril 19, 1937), na mas kilala bilang Joseph Ejercito Estrada, o Erap ang ika-13 Pangulo ng Pilipinas mula 1998 hanggang 2001. Siya ay isang dating aktor at nagsilbi bilang alkalde, senador at pangalawang pangulo bago naging pangulo noong 1998. Siya ay napatalsik sa pagkapangulo noong 2001 matapos akusahan ng korupsiyon na humantong sa impeachment at pagpoprotesta ng mga tao sa tinatawag na "EDSA II". Siya ay nahatulang nagkasala sa kaso ng pandarambong at nahatulan ng Reclusión perpetua. Siya ay humiling ng kapatawaran at pinatawad ni Gloria Arroyo noong 2007.