Kabundukang Carpatos

Ang Kabundukang Carpatos o mga Carpatos [bigkas: KAR-pa-tos] (Ingles: Carpathian Mountains o The Carpathians) ay kabundukan na bumubuo ng isang hugis-arkong kulang-kulang na 1,500 km kahaba sa dako ng Gitna at Silangang Europa, at dahil dito ay siyang ikalawang pinakamahabang kabundukan sa Europa (sumunod sa Kabundukang Escandinavo). Kumukupkop ito sa pinakaraming bilang sa Europa ng mga oso, lobo, usa at pusa, na kung saan sa Rumanya pinakalaganap. Ang mga Carpatos din ay nagtataglay ng mararaming mga pansol, sa kung saan ang Rumanya ay umaangkin sa 33% ng pangkalahatang bilang sa buong Europa.