Layag (medisina)

Ang layag /la·yág/ o menopause sa Ingles, nagmula sa Griyegong mens o "buwanan" at pausi o "paghinto", ay ang likas at permanenteng paghinto ng pagreregla. Ang pagtigil ng regla ay kinasasangkutan ng pagtigil sa pagganap ng mga bahay-bata sa kanilang pangunahing mga tungkulin: ang pagpapahinog at pagpapakawala ng mga oba o obum (itlog) at ng pagpapakawala ng mga hormona na nagsasanhi ng kapwa paglikha ng sapin ng bahay-bata (uterus) at ang kasunod na pagkalagas ng saping ito (iyung tinatawag na pagreregla o "buwanang dalaw"). Nagsisimula ang hindi na pagreregla kapag huminto na ang mga obaryo sa pagpapakawala ng mga obum o itlog bawat buwan. Maaari itong maganap habang nasa katandaan na, partikular na ang kababaihang nasa gitnang kapanahunan ng kanilang buhay (kahulihan ng edad na 40 o kaagahan ng edad na 50) ang isang babae o dahil sa siruhiya sa bahay-bata. Isa itong palatandaan ng wakas ng yugto ng pertilidad o pagkakaroon kakayahang mag-anak sa buhay ng isang babae. Bumabagsak ang antas ng mga hormonang pambabae, dahil nililikha ang mga ito ng mga bahay-bata na tumigil na sa pagtatrabaho. Dahil sa pagbabago sa kaantasan ng mga hormona, ang isang babae ay nagkakaroon ng mainit at rumaragasang pamumula (hot flushes) at mga palpitasyon, depresyon, pagkabahala, pagkainis, pagbabagu-bago ng asal (mood swings) at kawalan ng konsentrasyon.