Lungsod ng Bagong York

Ang Lungsod ng New York (opisyal: New York City; pinapaikling NYC) ay isa sa pinakamataong lugar sa mundo at nasa sentro ng media, pananalapi, komunikasyon, musika, fashion, at kulturang internasyonal. Isa ang lungsod sa mga pinakamahahalagang lungsod pandaigdig sa mundo na kung saan matatagpuan ang malawak at halos walang karibal-ribal na koleksyon ng mga museo, galeriya, at venyung pantanghalan na uring pandaigdig o world class. Matatagpuan din dito ang karami-raming awtlets pammidiya, mga korporasyong internasyonal, at ang ilan sa mga pinakamahahalagang bolsa o stock exchange. Dahil tahanan nito ng United Nations, ang lungsod ay importante sa mga internasyonal na mga relasyon.