Microsoft

Ang Microsoft Corporation ay ang pinakamalaking kumpanyang pang-software sa daigdig, na may higit sa 50,000 mga manggagawa sa iba't ibang bansa noong Mayo 2004. Itinatag ni Bill Gates at Paul Allen noong 1975, at nasa Redmond, Washington, Estados Unidos ang kanilang punong tanggapan. Lumilikha, naglilisensya, at sumusuporta ang Microsoft ng malawak na sakop ng mga produktong pang-software para sa iba't ibang kagamitang pang-kompyuter. Ang Microsoft Windows operating system at Microsoft Office ang mga pamilya nga mga produkto na kilala ng karamihan, na halos makikita sa lahat ng mga pamilihan ng mga pang-mesang kompyuter. Kumakailan si Bill Gates ay nagbitiw sa kanyang puwesto sa pamahalaan ng Microsoft.