Mindoro

Ang Mindoro ay ang ikapitong pinakamalaking pulo sa Pilipinas. Matatagpuan sa timog-kanlurang Luzon at hilaga-silangan ng Palawan. Noong mga nakaraang panahon, tinatawag itong Ma-I o Mait ng mga lumang mangangalakal na Intsik at, ng mga Español bilang Mina de Oro (nangangahulugang "minahang ginto") na kung saan nagmula ang kasalukuyang pangalan. Nahati ang kasalukuyang pulo sa dalawang lalawigan, ang  Occidental Mindoro at Oriental Mindoro, noong 1950. Bago pa nang panahong iyon, simula noong 1921, isang lalawigan lamang ang pulo.