Muhammedi

Abū al-Qāsim Muḥammad ibn ʿAbd Allāh ibn ʿAbd al-Muṭṭalib ibn Hāshim (arabisht: محمد بن عبد الله بن عبد المطلب‎; rreth 570 – rreth 8 qershor 632), gjithashtu shkruar edhe si Muhammad (arabisht: محمد), ishte një udhëheqës fetar, poltik dhe ushtarak nga Meka që bashkoi Arabinë nën një fe të vetme, Islamin. Myslimanët besojnë se ai është i dërguar dhe profet i Zotit dhe, shumica e tyre besojnë se ai është, profeti i fundit i dërguar nga Zoti për njerëzimin. Jomyslimanët e shohin Muhamedin si themelues të Islamit. Myslimanët e konsiderojnë atë si rikthyes të fesë monoteiste origjinale të pandryshur të Ademit, Nuhit, Ibrahimit, Musaut, Isaut, dhe të profetëve të tjerë .