NAIA

Ang Paliparang Pandaigdig ng Ninoy Aquino (IATA: MNL, ICAO: RPLL) ay ang pangunahing paliparan ng Pilipinas na nasa Kalakhang Maynila. Ito ay matatagpuan sa pagitan ng Lungsod ng Parañaque at Lungsod ng Pasay, at may pitong kilometrong layo sa Lungsod ng Maynila. Ang mga kahalintulad nitong mga paliparan ay ang Paliparang Pandaigdig na Diosdado Macapagal sa Lungsod ng Angeles, Paliparang Pandaigdig ng Mactan-Cebu sa Lungsod ng Lapu-Lapu at ang Paliparang Pandaigdig ng Francisco Bangoy sa Lungsod ng Davao. Ang Paliparang Pandaigdig na Ninoy Aquino ay mayroong tatalong gusaling terminal na nagsisilbi sa mga sasakyang panghimpapawid. Ito ay ipinangalan kay Ninoy Aquino na pinatay rito nang siya'y bumababa ng eroplano galing sa Estados Unidos noong panahon ng Batas Militar.