New Caledonia

Ang Bagong Caledonia (Ingles: New Caledonia, Pranses: Nouvelle-Calédonie; mga karaniwang katawagan: Kanaky, Le caillou) ay isang "sui generis na kolektibidad (kapanlahatan)", na sa pagsasagawa ay isang teritoryo sa ibayong dagat ng Pransiya na binubuo ng isang pangunahing pulo o Grande Terre at ng ilang mas maliliit na mga pulo. Ito ay nasa rehiyon ng Melanesia na nasa timog-kanluran ng Karagatang Pasipiko. Bilang humigit-kumulang na kasukat ng Taiwan, ang New Caledonia ay mayroong pook na lupain na kilometro kuwadrado (7,172 sq mi). Batay sa senso noong 2004, ang populasyon nito ay nasa 230,789 katao. Ito ay mayroong dominyong pangmataas na antas (ccTLD) na kodigo ng bansa sa Internet na .nc. Ang kabisera, na pinakamalaking lungsod, ng teritoryo ay ang Nouméa. Ang umiiral na salapi ay ang franc na CFP. Ang antas ng inplasyon (pagpapalabas ng labis na salapi) ay nasa -0.6%. Ang antas na kawalan ng trabaho (hindi nakapaghahanapbuhay dahil walang mapasukang trabaho) ay nasa 17.1%.