Niue

Ang Niue ay isang bansang pulo na nasa timog ng Karagatang Pasipiko. Karaniwan itong nakikilala bilang "Bato ng Polinesya". Mayroon itong sariling pamahalaan, subalit isa itong kaugnay na estado ng New Zealand (Bagong Selanda). Dahil dito, nangangahulugan na ang ulo ng estado o pinuno ng estado ng Niue ay ang pinuno (ang reyna) ng New Zealand batay sa karapatan, at ang karamihan sa mga ugnayang pangdiplomasya ay isinasagawa ng pinuno ng New Zealand para sa kapakanan ng Niue. Ang teritoryo ay nasa 2,400 mga kilometro ng hilagang-silangan ng New Zealand na nasa loob ng isang tatsulok na nasa pagitan ng Tonga, Samoa, at ng Kapuluang Cook.