Occidental Mindoro

Ang Occidental Mindoro (Filipino:Kanlurang Mindoro ; Español: Mindoro Occidental) ay isang lalawigan ng Pilipinas na matatagpuan sa rehiyong MIMAROPA sa Luzon. Mamburao ang kapital nito at sinasakop ang kanlurang kalahati ng pulo ng Mindoro; Oriental Mindoro ang kalahating silangan. Nasa kanluran ang Timog Dagat Tsina at nasa timog-kanluran ang lalawigan ng Palawan, sa ibayo ng Kipot ng Mindoro. Nasa hilaga naman ang Batangas, na nakahiwalay sa pamamagitan ng Daanan sa Pulo ng Verde.