Papa Benito XVI

Ang Papa Benedicto XVI, (sa Latin: Benedictus PP. XVI; Italian: Benedetto XVI, madalas na tawagin sa misang Tagalog bilang Papa Benito XVI), (ipinanganak Abril 16, 1927 bilang Joseph Aloisius Ratzinger) ang inihalal na Papa ng Simbahang Katoliko noong Abril 19, 2005, tatlong araw matapos ang kanyang kaarawan. Bilang Papa, sya rin ang Obispo ng Roma (o Arsobispo Metropolitano ng Lalawigan ng Roma), Soberano ng Estado ng Lungsod ng Vatikan, Patryarka ng Kanluran, Pirmado ng Italya, at Kataas-taasang Pontifise ng pandaigdigang Simbahang Katolikong kaugnay sa Roma, kasama ng mga Simbahang Eastern Rite na kakomunyon ng Banal na Sede. Pormal syang ginawang Papa noong Misa ng Papal Inauguration noong Abril 24, 2005.