Politeknikong Unibersidad ng Pilipinas

Ang Politeknikong Unibersidad ng Pilipinas (PUP) (Ingles: Polytechnic University of the Philippines) ay isang pamantasan ng estadong matatagpuan sa Santa Mesa, Maynila, Pilipinas. Itinatatag noong 1904 sa pangalang Manila Business School sa Calle Gunao, Quiapo, Maynila. Kilala rin sa tawag na Tanglaw ng Bayan. Noong sentenaryo ng pamantasan, idineklara ni Pangulong Gloria Macapagal Arroyo ang PUP bilang Pambansang Komprehensibong Unibersidad ng Pilipinas (National Comprehensive University) dahil sa mga adhikain nitong maitaguyod ang kahalagahan ng edukasyon sa mga Pilipino. Sa kasalukuyan, ang unibersidad ay isa sa mga tinitingalang institusyong pang-akademya sa bansa.