Puso (anatomiya)

Ang puso ay isang organong muskular na may tungkuling mag-bomba ng dugo palagos sa mga daluyang ugat sa pamamagitan ng paulit-ulit at maindayog na mga pintig, o kahalintulad na mga kayarian sa mga annelid, mollusk, at arthropod. Ang salitang cardiac (Ingles) (tulad halimbawa ng cardiology, na mula rin sa wikang Ingles) ay nangangahulugang "may kaugnayan sa puso" at nagmula sa wikang Griyegong καρδία, kardia, o puso. Binubuo ang puso ng mga masel na pampuso, isang tisyu ng masel na kusang gumagalaw na mag-isa na natatagpuan lamang sa loob ng kasangkapang ito ng katawan. Pipintig nang may humigit-kumulat sa 2.5 bilyong beses sa kahabaan ng buhay na may 66 taon ang karaniwang puso ng tao.