Republika ng Konggo

Ang Republika ng Konggo (internasyunal: Republic of the Congo), kilala din bilang Gitnang Konggo (Middle Congo), at Konggo (ngunit hindi dapat ipagkamali sa Demokratikong Republika ng Konggo, dating Zaïre, na minsang nakilala din bilang Republika ng Konggo), ay dating kolonyang Pranses sa kanluran-gitnang Aprika. Pinapaligiran ito ng Gabon, Cameroon, Central African Republic, Demokratikong Republika ng Konggo at ang Gulpo ng Guinea. Nang naging malaya noong 1960, naging Republika ng Konggo ang dating rehiyong Pranses sa Gitnang Konggo. Pagkatapos ng 25 taong ekperimentasyon sa Marksismo na inabanduna noong 1990, isang demokartikong pamahalaang hinahalal ang natatag noong 1992. Isang maikling digmaang sibil noong 1997 ang nagpabalik sa dating Marksistang Pangulong Denis Sassou-Nguesso. Brazzaville ang kapital nito.