Silangang Europa

Ang Silangang Europa ay ang silangang bahagi ng kontinente ng Europa. Ang kataga ay mayroong malawak na pagkakaiba sa pag-unawang heopolitiko, pangheograpiya, pangkultura, at pangsosyoekonomiya, kung kaya't nakabatay ito sa diwa at may katangiang pabagu-bago. Isang kahulugan ang naglalarawan na ang Silangang Europa ay isang entidad na makakultura at etno-kultural: bilang isang rehiyong nakalagay sa Europa na ang pangunahing mga katangian ay binubuo ng mga impluwensiyang Bisantino, Kristiyanismong Pangsilangan (Ortodoks) at ng maliit at may limitasyon na impluwensiyang Ottoman. Isa pang kahulugan ang isinasang-alang-alang ng ilang mga may-akda bilang hindi na napapanahon, ay nalikha noong panahon ng Digmaang Malamig at ginagamit, humigit-kumulang, bilang katumbas ng katagang Bloke ng Silangan. Isang kahalintulad na kahulugan ang nagpangalan sa dating mga estadong komunista sa Europa na nasa labas ng Unyong Sobyet bilang "Silangang Europa".