Subkultura

Në sociologji, antropologji dhe studime kulturore, me termin subkulturë nënkuptohet një grup i njerëzve që i përkasin një kulture të caktuar (qoftë të dukshme apo të fshehur), e cila i dallon ata prej kulturës më të gjerë të cilës i takojnë. Pra, subkultura mund të kuptohet si një kulturë "e vogël" brenda kulturës së "madhe". Nëse një subkulturë e veçantë karakterizohet me kundërshtim sistematik ndaj kulturës dominante, atëherë ajo mund të konsiderohet si kontrakulturë (apo kundërkulturë).