Ukraine

Ang Ukranya (Ingles: Ukraine /yuk·reyn/, Ukranyano: Україна, Ukrayina) ay isang bansa sa Silangang Europa. Napapaligiran ito ng Rusya sa hilaga-silangan, Biyelorusya sa hilaga, Polonya, Eslobakya at Unggarya sa kanluran, Rumanya at Moldabya sa timog-kanluran at ang Dagat Itim sa timog. Naging sentro ang teritoryo ng kasalukuyang Ukraine ng kulturang Silangang Slabiko noong Gitnang Panahon, bago nahati ng mga iba't ibang kapangyarihan, kabilang ang Rusya, Polonya, Litwanya, Austrya, Rumanya at ang Imperyong Otoman. Natapos ang maikling panahon ng kalayaan at napasama sa Unyong Sobyet pagkatapos ng Rebolusyong Ruso ng 1917 at natatag lamang noong 1954 ang kasalukuyang hangganan ng republika. Naging malaya uli pagkatapos ng pagbagsak ng Unyong Sobyet noong 1991.