Wikang Tamil

Ang wikang Tamil ay isang wikang sinasalita sa estado ng Tamil Nadu ng Indya. Ginagamit din ang wikang ito sa Sri Lanka, Singgapur at Malasya. Kabilang ito sa mag-anak ng wikang Drabidyano. Isa itong wikang klasiko, at isa sa pinakamatandang wikang pampanitikan sa mundo. Ang pinakamatandang tekstong natagpuan na nasa wikang Tamil ay ang Tolkappiyam. Isa ang Tamil sa pinakamatandang nabubuhay o umiiral pang wika sa mundo.