Wikang Turko

Ang Wikang Turko ay isang wikang ginagamit ng halos 77 milyong tao sa buong mundo, at ito ay ang pinakamalaking kasapi ng mga wikang Turkiko (Turkic languages). Karamihan sa mga mananalita ng Turko ay naninirahan sa Turkiya at Tsipre, kung saan opisyal na ginagamit ang wika roon, at may mas maliliit na grupo sa Irak, Gresya, Bulgarya, ang Republika ng Masedonya, Albanya at iba pang bahagi ng Silangang Europa. Ginagamit rin ang wika ng milyun-milyong mandarayuhan sa Europa, lalo na sa Alemanya, kung saan may malaking diaspora ng mga Turko roon.