Windows XP

Ang Windows XP ay isang hanay ng mga operating system na ginawa ng Microsoft para sa mga desktop computer, mga laptop at mga media center. Sumisimbolo sa salitang karanasan “eXPerience” ang mga titik na “XP”. Binigyan ito ng preliminaryong pangalang “Whistler” sa panahon ng paglinang nito, na isinunod sa Whistler, British Columbia, dahil nagpadausdos ang maraming empleyado ng Microsoft sa puntahang Whistler-Blackcomb. Kapalit ng Windows 2000 at Windows Me ang Windows XP, at ito ang unang pang-konsumer na operating system na itinayo sa kernel at arkitektura ng Windows NT. Binago na rin ang pagkakaayos ng "Start Menu", ngunit pwede rin ito ibalik sa dating pagkakaayos katulad sa Windows 2000. Unang inilunsad ang Windows XP noong Oktubre 25, 2001, at ginagamit ang humigit-kumulang na 400 milyong kopya, ayon sa pagtataya ng isang analysta ng IDC noong Enero 2006. Pinalitan ito ng Windows Vista noong 2007.