amoras

Ang Morus, moras, o amoras (Ingles: mulberry, mulberry tree) ay isang saring may 10 hanggang 16 na mga uri ng mga punong katutubo sa mga maiinit, tropikal, at subtropikal na mga rehiyon ng Asya, Aprika, at sa mga Amerika, na ang karamihan sa mga uri ay katutubo at likas sa Asya. Pangkaraniwang tinatawag ding moras o amoras ang higit na kalapit na kamag-anak na saring Broussonetia, partikular na ang papel amoras o Broussonetia papyrifera. Napagkukunan ang ugat ng mga oras ng mga langis; at ginagamit din sa paggawa ng mababangong mga pamaypay, banig, at sa pagpapahalimuyak ng mga damit.