atonement

Ang pagbabayad-sala, na tinatawag ding pagtatakip ng sala, pangpalubag-loob, pakikipagkasundo, o pagpapatahimik, ay isang uri ng pagbabayad, pag-aalay, paghahain, o paghahandog, na isinasagaw upang maalis at mapatawad ang nagawang mga kamalian o kasalanan ng mga tao. Sa Lumang Tipan, naghandog ng mga hayop ang mga Israelita para maipakita na kailangang "matakpan" o mahugasan ang mga kasalanan o pagkukulang sa Diyos ng mga mamamayan.