balikat

Sa anatomiya ng tao, bumubuo ang hugpungan ng balikat (Ingles: shoulder joint) sa bahagi ng katawan kung saan dumirikit ang humero sa paypay. Tumutukoy ang balikat (Ingles: shoulder) sa pangkat ng mga kayariang nasa rehiyon ng hugpungang ito. Binubuo ito ng tatlong mga buto: ang balagat (buto ng kuwelyo), ang paypay (iskapula o "talim ng balikat"), at ang humero (buto ng pang-itaas na bisig), pati na ng kaugnay na mga masel, mga ligamento, at mga tendon. Ang mga artikulasyon o hugpungan sa pagitan ng mga buto ng balikat ang bumubuo sa mga hugpungan ng balikat.