Ang
bilis ng liwanag(speed of light) sa isang
bakyum(vacumm) na may simbolong
c ay isang pisikal na
konstante na mahalaga sa maraming sakop ng
pisika. Ang halaga nito ay 299,792,458 metro bawat segundo na isang pigura na eksakto dahil ang haba ng isang metro ay inilalarawan ng konstanteng ito at ng internasiyonal na batayan para sa oras. Ang bilis na ito ay matatantiyang 186,282 milya bawat segundo. Ayon sa
Espesyal na teoriya ng relatibidad, ang bilis ng liwanag(
c) ang pinakamataas na bilis kung saan ang lahat ng
enerhiya,
materya, at iba bang pisikal na impormasyon sa
uniberso ay maaaring maglakbay. Eto ang bilis ng lahat ng walang
masang mga partikulo(massless particle) at mga kaugnay na field kabilang na ang radiasyong elektromagnetiko gaya ng
liwanag(light) sa bakyum. Ito rin ang hinulaang bilis ng
grabidad o mga
along grabitasyonal. Ang mga gayong partikulo ay naglalakbay sa
c kahit hindi isaalang alang ang galaw ng pinamulan(source o ang inersiyal na balangkas ng reperensiya(intertial frame of reference) ng isang nagmamasid. Sa
Espesyal na teoriya ng relatibidad, ang
c ang naguugnay ng
espasyo-oras at ito ay makikita sa kilalang ekwasyon ng
E = mc2.