binga

Ang binga o nakar (Ingles: nacre, mother-of-pearl) ay ang kabibe, partikular na ang panloob, makintab at makislap na bahagi nito, na pinagmumulan ng perlas. Yari sa mga binga ang mga kabibe ng mga kuhol, talaba, tahong at iba pang moluska. Dahil sa nanggagaling ang perlas sa bahaging ito ng kabibe, ang taklob o taklobo, ng mga talaba at suso, tinatawag din na madreperla o madre-perla ("ina ng perlas" o "pinagmulan ng perlas") ang binga.