damo

Ang damo o graminoid, ay mga halamang may monokotiledon. Kalimitang herbasyo o mayerbang halaman ang mga damo. Mayroon itong mga makikitid na dahon na tumutubo mula sa base nito. Kabilang dito ang mga "totoong damo" ng pamilya ng Poaceae (o Gramineae) at ang mga pamilya ng Cyperaceae at Juncaceae. Ilan sa mga totoong mga damo ay ang kawayan. Ilang halimbawa naman ng mga miyembro ng Cyperaceae ay ang apulid (Eleocharis dulcis) at Cyperus papyrus. Maraming gamit ang mga graminoid gaya ng pagkain, inumin gaya ng serbesa, pagkain ng hayop, papel, panggatong, damit at paggawa ng buslo.