dugo

Ang dugo ay isang natatanging pluidong biyolohikal na kinalalamnan ng selula ng pulang dugo (Ingles: red blood cell o RBC o erythrocyte), ng selula ng puting dugo (Ingles: leukocyte) at ng platito (Ingles: thrombocyte o platelet) na nakalutang sa masalimuot na pluidong kilala sa tawag na plasma ng dugo. Ang plasma ang likidong bahagi ng dugo, kung saan nakalutang ang mga selula ng dugo. Binubuo nito ang may 55 bahagdan ng kabuuang bulumen ng dugo.