equate

Sa matematika, ang ekwasyon (Ingles: equation) ay ang pangungusap na pangmatematika na naghahayag ng ekwalidad (pagiging magkatumbas o magkapantay) ng dalawang ekspresyon. Binibigyang kahulugan din ito bilang isang pagpapahayag o isang proposisyon o "panukala" na karaniwang pang-alhebra, na kinakandili o binibigyan ng kariinan ang pagkakapantay o pagiging magkatumbas ng dalawang mga kantidad o dami. Sa modernong notasyon, ang ekwasyon ay isinusulat sa pamamagitan ng paglalagay ng mga ekspresyon sa anumang panig ng simbolong = na ang ibig sabihin ay ikwal o magkatumbas. Halimbawa, ang ekwasyong

ay naghahayag na ang resulta ng ekspresyong x+3 ay katumbas ng 5. Sa ibang salita, ang bariyabulo na x ay naglalaman ng halaga na kapag dinagdagan ng 3 ay magreresulta sa halagang 5. Ang simbolong ikwal na "=" ay inimbento ni Robert Recorde (1510–1558) na tumuturing na wala nang mas tutumbas pa sa 2 paralelo (parallel) o magkaagapay na tuwid na mga linya na pareho ang haba.