gameto

Ang gameto (Ingles: gamete, mula sa Sinaunang Griyegong γαμετης; isinalinwikang gamete = asawang babae, gametes = asawang lalaki), na maaaring katumbas ng punla o binhi, ay isang may pagka-natatanging selulang pangkasarian o selulang pangpagtatalik na sumasanib sa isa pang gameto sa panahon ng pertilisasyon (konsepsyon) sa mga organismong nagpaparami sa paraang seksuwal (reproduksiyong seksuwal). Ang mga gameto ay nililikha ng mga selulang lithayop o selulang binhi (germ cell).