hit

Ang hampas o paghampas ay ang pagtama ng isang bagay sa isa pang bagay. Maaari rin itong mangahulugang pagsapol sa isang bagay, isang tao, o iba pang nilalang. Sa Ebanghelyo ni Mateo sa Bagong Tipan ng Bibliya, ang salitang ipinahampas ay tumutukoy sa isang uri ng parusang ginagawad ng sinaunang mga Romano, kung saan nakagapos ang mga kamay ng taong pinarurusahan ng paghampas ay nakatali sa isang mababang haligi, na nakayukod din nang bahagya ang taong ito upang mahagupit ang likod. Mayroon ding kaparusahang paghampas ang sinaunang mga Hudyo. Nagkaiba lamang ang mga Romano at sinaunang mga Hudyo: walang nakatakdang bilang ang sa mga Romano, habang apatnapung hampas naman ang sa mga Hudyo.