kamelyo

Ang mga kamelyo o kamel ay mga unggulado at kubang hayop na magkakapantay ang mga kuko na kabilang sa saring Camelus. May isang kabukutan o bukol sa likod ang mga kamelyong Arabo o dromedaryo, habang dalawa naman ang mga kabukutan sa likod ng mga baktriyanong kamelyo. Katutubo ang mga ito sa mga tuyong disyerto ng kanlurang Asya, at ng gitna at silangang Asya. Sa hanay na pangkasarian ng mga kamel, tinatawag na kamelyo ang mga lalaki, samantalang kamelya naman ang mga babae.