kamelyon

Ang hunyango o hinyango (Ingles: chameleon) ay isa sa mga higit na kilalang mga uri ng maliliit na mga butiking kabilang sa pamilyang Chamaeleonidae (mga iskwamata) na may kakayahang magbago ng kulay. Sa katawagan nito sa Ingles, nanggaling ang salitang chameleon mula sa isina-Latinong (Latinisado) anyo ng Sinaunang Griyegong χαμαιλέων (khamaileon), mula sa χαμαί (khamai) "nasa lupa, nasa ibabaw ng lupa" at λέων (leon) "liyon", at bilang pagsasalin ng Akkadian na nēš qaqqari, "liyong panglupa" o "liyong-lupa". Mayroon silang mga madirikit na mga dila na napapahaba hanggang sa dalawang ulit ng haba ng kanilang mga katawan, at ginagamit sa panghuli ng mga pagkain nilang mga kulisap. Napapagalaw nila sa magkaibang direksyon ang bawat isa sa kanilang mga mata.