karbon (bato)

Ang karbon, tinatawag ding uling, ay isang nalatak na bato na handang masunog at maitim o kulay-kayumangging itim. Tinatangi din ang mga anyong matigas, katulad ng antrasitang karbon, bilang metamorpikong bato dahil sa kalaunang paglantad sa mga nakataas na temperatura at presyon. Pangunahing binubuo ito ng elementong kimikal na karbon kasama ng iba't ibang dami ng iba pang mga elemento, lalo na ang asupre, idroheno, oksiheno at nitroheno.