karpintero

Ang isang karpintero, alwagi, anluagi o anluwagi (Ingles: carpenter) ay isang bihasang artesano na nagkakarpintero - isang malawak na sakop sa paggawa sa kahoy (woodworking) na kinabibilangan ng pagsasagawa ng mga gusali, kasangkapan, at ibang pang bagay na yari sa kahoy. Kinasasangkutan ang trabahong ito ng paggawang manwal at pagtrabaho sa labas, partikular na ang magaspang na pagkakarpintero. Tinatawag na anluwagihan, karpenteriya o karpenterya (Ingles: carpentry o joiner's workshop) ang gawaan ng mga karpintero., bagaman ang katumbas nito sa wikang Kastila (Kastila: carpinteria; Ingles: joinery at capentry) ay nangangahulugan din na sining at larangan ng pag-aanluwagi.