kontraseptibo

Ang pagpigil sa pag-aanak (Ingles: birth control, contraception) ay ang kusang pagtaban at pagtitimpi ng tao sa kanyang kakayahang magkaroon ng anak. Tumutukoy din ito sa sinasadyang paglalagay ng agwat sa pagkakaroon ng mga supling, sa pamamagitan ng mga pamamaraang mekanikal o may kemikal. Isang halimbawa ang paggamit ng mga gamot, o iba pang bagay, na panglaban sa pagdadalantao. Naging kasingkahulugan din ang pagpigil sa pagkakaroon ng anak ang kontrasepsyon na nangangahulugang "pangontra sa pagbubuntis".May mga bansa ay may batas tungkol dito, isa rito ang Republikang Popular ng Tsina.