kumpas (na pangguhit)

Ang aguhon o kumpas ay isang kasangkapan o instrumentong panligid na ginagamit sa pagguhit ng mga bilog o mga kalahating bilog (arko), katulad ng sa arkitektura o pagpipinta. Mayroong mekanikal na aguhon, pangkaraniwang aguhon o normal na kumpas, at panghating aguhon. May mekanikal na lapis ang aguhong mekanikal, habang mayroon namang kabitan o ipitan ng lapis o bala ng lapis ang karaniwang aguhon na mababago o maiaakma ang haba. Samantala, may dalawa namang matutulis na dulo ang pandrowing din na panghating kumpas na ginagamit sa pagtatanda o pagmamarka ng mga layo at haba, habang gumagamit ng mga teyorem ng heometriya.