kuwitib

Ang mga kuwitib (Ingles: fire ant [ Estados Unidos ], red ant [ sa U.K. ], wash foot ant), ay mga nangungukab na mga pulang langgam na kinabibilangan ng higit sa 280 uri sa buong daigdig. Marami silang mga pangkaraniwang katawagan katulad ng mga sumusunod: ginger ant [Ingles], tropical fire ant [Ingles], aka-kami-ari (Hapon), at feuerameise (Aleman). Sa Kastila, kilala ang mga kuwitib bilang hormiga colorada(langgam na may kulay) , hormiga roja (pulang langgam) o hormiga brava (mabangis na langgam). Sa Puwerto Riko, may katutubong napakaliliit na mga pulang langgam na napakabagal lumakad, at tinaguriang abayarde. Sa Portuges, tinatawag na formiga de fogo (langgam ng apoy; maapoy na langgam) at formiga lava-pé (hugas-paang langgam) ang mga kuwitib.