lente (optika)

Ang isang lente (Ingles: lens, at kung minsan ay lense) ay isang malinaw (nanganganinag, transparente) na bagay (katulad ng salamin, plastik, o kahit na isang patak ng tubig) na nagpapabago sa kaanyuan ng mga bagay sa pamamagitan ng pagbaluktot sa liwanag na tumatagos dito. Nagagawa ng mga lente na lumitaw na tila mas malaki, mas maliit, o nakabaliktad ang mga bagay. Ilan sa mga napaggagamitan ng mga lente ang mga salamin sa mata, mga lenteng kontakto, mga kamera, mga prohektor (prodyektor), mga mikroskopyo, mga teleskopyo, mga salaming nagpapalaki, at iba pa. Ang mga mata ay itinuturing bilang mga lente. Ang mga lente ay gumagana sa pamamagitan ng repraksiyon na nangangahulugang pagbaluktot ng liwanag.