Ang
Alhebrang linyar (Ingles:
Linear algebra) ang sangay ng
matematika na umuukol sa may hangganan o mabibilang na walang hangganang dimensiyonal na mga
espasyong bektor gayundin ang mga pagma-mapang linyar sa pagitan ng mga gayong espasyo. Ang gayong imbestigasyon ay inisyal na nauudyukan ng isang mga sistema ng ekwasyong linyar sa ilang mga hindi alam. Ang gayong mga ekwasyon ay likas na kinakatawan gamit ang pormalismo ng mga martriks at mga
bektor. Ang alhebrang linyar ay sentral sa parehong puro at nilalapat na matematika. Halimbaw, ang abstrakong alhebra ay lumilitaw sa pagpapagaan ng mga
aksiyoma ng isang
espasyong bektor na tumutungo sa isang bilang ng mga paglalahat. Ang analisis na punsiyonal ay nag-aaral ng bersiyong walang hangganang dimensiyon ng teorya ng mga espasyong bektor. Kasama ng
kalkulo, ang alhebrang linyar ay tumutulong sa solusyon ng mga sistemang linyar ng mga
ekwasyong diperensiyal. Ang mga pamamaraan mula sa alhebrang linyar ay ginagamit rin sa heometriyang analitiko,
inhinyerya,
pisika, mga agham natural,
agham pangkompyuter at
mga agham panlipunan(partikular na ang
ekonomika). Dahil ang alhebrang linyar ay isang mahusay na pinaunlad na teorya, ang mga modelong matematikal na hindi linyar ay minsang tinatantiya ng mga modelong linyar.